په غزني کې د ۶۲ ورزشکارانو ترمنځ د کیک بوکسنګ سیالۍ ترسره شوې
د غزني ولایت د بدني روزنې او ورزش امریت اړند کیک بوکسنګ فدارسیون په چوکاټ کې د یاد ولایت په ورزشي جمنازیوم کې د ۶۲ ورزشکارانو ترمنځ " د قران پاک د دفاغ " تر سرلیک لاندې د کیک بوکسنګ نهمه دوره یو ورځنۍ سیالۍ ترسره شوې.
د همدې سیالیو په مراسمو کې د یاد ولایت ورزشي مسولینو، د کیک بوکسنګ ملي فدراسیون رهبرۍ، ورزشکارانو او د ورزش مینوالو ګډون کړی و.
دغه سیالۍ د تنکیو ځوانانو، نویو ځوانانو، ځوانانو او لویانو کټګوریو په مختلفو وزنونو کې ترسره شوې او یوه ورځ یې دوام وکړ.
هېره دې نه وي، چې د دغو سیالیو په پای کې په مختلفو کټګوریو او وزنونو کې ورزشکارانو لومړي مقامونه ترلاسه کړل او همداراز غوره ورزشکارانو ته کپونه، مډالونه، ستاینلیکونه او چمتو شوې ډالۍ ورکړل شوې.
