هلمند؛ مرکزي فوټبال لوبډلې د نادعلې ولسوالۍ د فوټبال ګروپي سیالیو اتلولي وګټله
د هلمند ولایت د فوټبال ګروپي سیالۍ چې یوه میاشتې وړاندې د ۱۶ لوبډلو په ګډون پیل شوې وې، د مرکزي فوټبال لوبډلې په اتلولۍ پای ته ورسیدې.
د سیالیو پایلوبې ته د عابد او مرکزي فوټبال لوبډلو لاره پیدا کړه، د دوی ترمنځ په ټاکلي وخت کې صفر پر صفر مساوي شوه، د پیناټیو په وهلو مرکزي فوټبال لوبډلې د ۴-۳ ګولونو په توپیر عابد لوبډلې ته ماته ورکړه.
د سیالیو غوره لوبغاړی اسدالله، غوره ګول وهونکی نثاراحمد او غوره ګول ساتونکی انارګل وټاکل شول.
دغه سیالۍ د نادعلې ولسوالۍ په مرکزي فوټبال لوبغالي کې ترسره شوې چې موخه یې د غوره لوبغاړو پېژندل او تشویقول وو.
