هلمند؛ د ۲۲ «ب» لوبډلو ترمنځ د فوټبال حذفي سیالۍ پیل شوې
د هلمد ولایت د بدني روزنې ورزش امریت په مرسته د فوټبال فدراسیون د استازولۍ له لوري د ۲۲«ب» لوبډلو ترمڼخ د فوټبال تګ راتګ حذفي سیالۍ پیل شوې.
د دغو سیالیو د پیل لوبه د ارسلان او فوجي ځوانانو لوبډلو ترمنځ وشوه، چې د ارسلان لوبډلې د ۲-۱ ګولونو په توپیر فوجي ځوانانو لوبډلې ته ماتې ورکړه، همداراز په دویمه لوبه کې د نورسخي لوبډلې د ۱-۱ د زرغون کلي لوبډلې سره لوبه مساوي کړه.
یادې سیالۍ چې د هلمند ولایت فوټبال په مرکزي لوبغالي کې پیل شوې یوه میاشت په دوام وکړي، چې موخه یې د ځوانانو ترمنځ اتفاق او په ورزش مصروف ساتل دي.
