په بلخ ولایت کې د وزلوبې اونیزې سیالۍ پيل شوې
د بلخ ولایت په مراز شریف ښار کې د ایشان امام په مالي ملاتړ د حاجي مقیم بای وزلوبې په میدان کې د ۴۰ چاپندزانو ترمنځ د وزلوبې اونیزې سیالۍ پیل شوې.
په دې سیالیو کې د بلخ ولایت د بدني رزونې او ورزش ریاست رئیس نورعالم بدر، د دې ولایت د وزلوبې فدراسیون مسوولینو، چاپندازانو، ورزشکارانو او د دې رشتې ګڼو مینه والو شتون درلود.
پهلوان صبور د رئیس عزیز په اس د لومړی پړاو ګټونکی شو، د رئیس عزیز له لوري ۲۰۰۰ دوه زره افغانۍ جایزه ورکړل شوه او اخري پړاو پهلوان ایوب خان د مرحوم رئیس اکبر په اس د حلال دایرې ته ورسوله، چې د یوې وزې مستحق وپېژندل شو.
ټاکل شوې دغه سیالۍ به د را روان ۱۴۰۳ کال د وري ترمیاشتې هر جمعه د مزار شریف ښار په حاجي مقیم بای میدان کې ترسره کیږي.
