بادغیس؛ قادس ولسوالۍ کې ۱۲ لوبډلو ترمنځ د فوټبال سیالۍ پیل شوې
د بادغیس ولایت د بدني روزنې او ورزش آمریت او د فوټبال فدراسیون د نمایندګي له لوري د یاد ولایت په قادس ولسوالۍ کې د ۱۲ لوبډلو ترمنځ د یووالي په نوم فوټبال سیالۍ پیل شوې.
د یادو سیالیو لومړۍ لوبه د اتحاد او شاهین قادس لوبډلو ترمنځ ترسره شوه، چې په پایله کې شاهین قادس لوبډلې د ۳/۰ میدانونو په توپیر سیالې لوبډلې ته ماتې ورکړه.
دغه سیالۍ چې د ځوانانو د هڅونې او په یاده ولسوالۍ کې د ورزش د ودې په موخه پیل شوي، د رفت او برګشت په ډول ترسره کېږي چې یوه میاشت به دوام وکړي.
