کابل؛ د ورزش ادارې د دعوت او ارشاد ریاست، د سنوکر ملي فدراسیون او اړوند کلپونو د مسوولینو ترمنځ غونډه ترسره شوه
د بدني روزنې او ورزش عمومي ریاست اړوند د دعوت او ارشاد ریاست له لوري د سنوکر ملي فدراسیون له رهبرۍ او د یادې برخې د ورزشي کلپونو له مسوولینو سره غونډه ترسره کړه او په یو شمېر مهمو مسائلو یې ورسره خبرې وکړې.
په دغه غونډه کې د بدني روزنې او ورزش عمومي ریاست دعوت او ارشاد رییس محمد بریال عطایي، د سنوکر ملي فدراسیون رهبري پلاوي او د یادې برخې ورزشي کلپونو مسوولینو ګډون کړی وو.
د دعوت او ارشاد په دغه غونډه کې د سنوکر ورزشي کلپونو مسوولینو ته په کلپونو کې د شرعي اصولو مطابق اخلاقي فساد مخنیوي، قمار مخنیوي، نشه یي توکو مخنیوي، د ورزشکارانو لپاره د لمانځه وختونه ټاکل، ورزشي جمنازیوم او لوبغالو کې په امنیتي کمرو لګولو خبرې وشوې.
د یادې غونډې موخه په هېواد کې د اسلام او شریعت په چوکاټ کې د سنوکر ورزش ته وده ورکول و.
