دایکندي؛ میرامور ولسوالۍ کې د ۷۰ ورزشکارانو ترمنځ د ځغاستې سیالۍ ترسره شوې
د دايکندي ولایت د بدني روزنې او ورزش آمریت د دودیزو او ملي لوبو د مدیریت او د اتلتیک فدراسیون د استازولي له لوري د یاد ولایت په میرامور ولسوالۍ کې د ۷۰ تنو ورزشکارانو ترمنځ د اتلتیک ځغاستې سیالۍ ترسره شوې.
یادې سیالۍ په درې عمري کټګوریو؛ نويو ځوانانو، ځوانانو او ډېر عمر لرونکو لوبغاړو ترمنځ په ۸۰۰ متري واټن کې ترسره شوې، چې یوه ورځ یې دوام وکړ.
د یادو سیاليو په پایله کې د نویو ځوانانو له ډلې مهدي لومړی، ضیأ دویم او حسین درېیم مقام د ځوانانو له ډلې علي لومړی، حسین دویم او ابراهیم درېیم مقام او همداراز د ډېر عمر لرونکو کسانو له ډلې څخه بیا عصمت لومړی، علي داد دویم او رحمت درېیم مقام خپل کړ.
د دغو سیالیو موخه يه یاده سیمه کې د ځغاستې دودیزې لوبې وده، د غوره لوبغاړو پېژندنه او د ځغاستې له قوانینو او اصولو سره بلدتیا ښودل شوې ده.
