لغمان؛ پرياني الف لوبډلې د اختریز جام په نوم د ټېپ بال کرکټ سياليو اتلولي وگټله
د لغمان ولايت د بدني روزنې او ورزش امريت په همغږۍ د الينگار ولسوالۍ په پرياني کلي کې د ۳۲ لوبډلو ترمنځ د اختریز جام په نوم د ټېپ بال کرکټ سيالۍ د پرياني الف لوبډلې په اتلولۍ پای ته ورسېدې.
د يادو سياليو پايلوبه د پرياني الف او چهلگزي لوبډلو ترمنځ ترسره شوه، د لوبې پچې په ګټلو سره چهلگزي لوبډلې په ټاکلو لسو اورونو کې سيالې لوبډلې ته د ۱۳۴ منډو هدف کېښود، پرياني الف لوبډلې ياد هدف د لوبې په وروستي اور کې ترلاسه کړ او د سياليو اتلولي يې په خپل نوم کړه.
د يادونې وړ ده، چې د دغو سياليو موخه ورزش ته د ځوانانو هڅول او ترمنځ يې سالمه تفريح ياده شوې وه.
