پکتيا کې د شپږو لوبډلو ترمنځ د سالمې روزنې په نوم د واليبال سيالۍ پيل شوې
د پکتيا ولايت د بدني روزنې او ورزش رياست په همغږۍ د ياد ولايت په مرکزي زندان کې د شپږو لوبډلو ترمنځ د سالمې روزنې په نوم د واليبال سيالۍ د نیازیو زلمو لوبډلې په بريا پيل شوې.
په دغو سياليو کې د نیازیو زلمو، زندانيانو همت، استقامت، قولو اردو، بدر او د زندان ساتونکو لوبډلو گډون کړی، چې په لومړۍ لوبه کې نیازیو زلمو لوبډلې سيالې زندانيانو همت لوبډلې ته ۲/۳ ميدانونو په توپير ماتې ورکړه او بريا يې خپله کړه.
د دغو سياليو د ترسره کېدو موخه د زندانيانو لپاره د سالمې تفريح برابرول او فکري روزنه ده، چې درې ورځې به دوام وکړي.
