پکتیکا؛ مرکز ښرنه کې ۱۶ لوبډلو ترمنځ د والیبال ټاکنیزې سیالۍ د عمبر خېلو لوبډلې په بریا پیل شوې
د پکتیکا ولایت د بدني روزنې او ورزش امریت اړوند د والیبال فدراسیون د استازولۍ له لوري مرکز ښرنه کې د یاد ولایت ورزش امریت په لوبغالي کې د ۱۶ لوبډلو ترمنځ د والیبال ټاکنیزې سیالۍ د عمبر خېلو لوبډلې په بریا پیل شوې.
دغه سیالۍ چې یوه اوونۍ به دوام وکړي په پیل لوبه کې د عمبر خېلو لوبډلې خپلې سیالې قمرالدینانو لوبډلې ته د ۲/۰ میدانونو په توپیر ماتې ورکړه او بریا یې خپله کړه.
د یادو سیالیو موخه د ۱۴۰۳ ه ش کال لپاره پکتیکا ولایت ته منتخبه لوبډله ټاکل او ځوانانو ته یوه سالمه تفریح برابرول دي.
