زابل؛ په مرکز قلات ښار کې د ۳۰ ورزشکارانو ترمنځ د پاور لفټينگ سيالۍ ترسره شوې
د زابل ولايت د بدني روزنې او ورزش امريت اړوند د پاور لفټينگ فدراسيون د استازولۍ له لوري د ياد ولايت په مرکز قلات ښار ځوانانو کلب کې د ۳۰ ورزشکارانو ترمنځ په نويو ځوانانو او ځوانانو په عمري کټگوريو کې د پاور لفټينگ سيالۍ ترسره شوې.
دغه سیالۍ چې يوه ورځ يې دوام وکړ، په پايله کې په ځوانانو کټگورۍ کې ساجد د ۲۲۰ گيلو گرامه زون په پورته کولو سره لومړی او په نويو ځوانانو کټگورۍ کې احمد ضياء د ۲۵۰ گيلو گرامه وزن په پورته کولو سره بيا دويم مقام ترلاسه کړ.
د دغو سياليو د ترسراوي موخه ټاکنيزو سياليو ته د ورزشکارانو لا ښه تياری کول ښودل شوي و، چې په پای کې د ياد ولايت د ورزش امريت له لوري غوره ورزشکارانو ته ستاينليکونه او مډالونه ورکړل شول.
