خوست؛ ګربز ولسوالۍ کې د ٤٠ لوبډلو ترمنځ د ټېپ بال کرکټ سیالۍ پای ته ورسېدې
د خوست ولایت د بدني روزنې او ورزش آمریت اړوند د ټېپ بال کرکټ فدراسیون د استازولي له لوري د یاد ولایت د ګربز ولسوالۍ په مغُلګي سیمه کې د ٤٠ لوبډلو ترمنځ د ټېپ بال کرکټ سیالۍ د جمیل مینه ناک لوبډلې په اتلولي پای ته ورسېدې.
د یادو سیالیو پایلوبه د جمیل او چمتو لوبډلو ترمنځ ترسره شوه. د لوبې پچه جمیل لوبډلې وګټله او په ټاکلو لسو اورونو کې یې خپلې سیالې لوبډلې ته د ١٦٢ منډو هدف وټاکه. چمتو لوبډلې د هدف په تعقیب کې ١٣٠ منډې وکړې او سیالۍ یې د ٣١ منډو په توپیر وبایلله.
د سیالۍ په پای کې اتلې لوبډلې ته یو عراده موټر او غوره لوبغاړو ته مډالونه او ستاینلیکونه ورکړل شول.
