د میدان وردګ پوهنتون د څلورو لوبډلو ترمنځ د پسرلني سمستر د والیبال سیالۍ پای ته ورسېدې
د میدان وردګ ولایت د بدني روزنې او ورزش آمریت اړوند د والیبال فدراسیون د استازولي له لوري د یاد ولایت دولتي پوهنتون کې د څلورو لوبډلو ترمنځ د والیبال سیالۍ د ښوونې او روزنې پوهنځي په اتلولي پای ته ورسېدې.
په یادو سیالیو کې د ښوونې او روزنې، شرعیاتو، کرنې او کمپیوټر ساینس پوهنځیو لوبډلو ګډون کړی و، چې پایلوبه کې د ښوونې او روزنې پوهنځي لوبډلې د ٣ پر ٢ میدانونو په توپیر د کرنې پوهنځي لوبډلې ته ماتې ورکړه او اتلولي یې په خپل نوم کړه.
یادې سیالۍ د زده کړیالانو ترمنځ د سالمو اړیکو جوړولو په موخه ترسره شوې چې پنځه ورځې یې دوام وکړ.
