بلخ؛ مرکز مزار شریف کې د پنځو ولایتونو ترمنځ د ځوانانو راډیو د فوټسال جام سیالۍ ترسره شوې
د بلخ ولایت د بدني روزنې او ورزش ریاست او د فوټبال فدراسیون په همکاري د ځوانانو راډیو له خوا د ياد ولايت مرکز مزار شريف ښار کې د پنځو ولایتونو ترمنځ د ځوانانو راډیو د فوټسال جام سیالۍ د قناعت لوبډلې په اتلولي پای ته ورسېدې.
په یادو سیالیو کې د بلخ، جوزجان، سمنګان، سرپل او فاریاب ولایتونو ګډون کړی و، چې پایلوبه کې یې بلخ ولایت قناعت لوبډلې د سمنګان ولایت امید سمنګان لوبډلې ته د ٩ پر یو ګولونو په توپیر ماتې ورکړه او د ياد جام سوپر کپ یا دویم پړاو ته یې لار ومونده.
يادې سیالې په هېواد کې د فوټسال لوبې د ودې او د ځوانانو د د سالمې بوختیا په موخه ترسره شوې او د ياد جام نورې لوبې به راتلونکې اوونۍ په کندهار ولایت کې د کندهار، هلمند، نیمروز او ارزګان ولایتونو ترمنځ ترسره شي.
