میدان وردګ؛ مرکز میدان ښار کې د پنځو کلپونو ترمنځ د پهلواني سیالۍ ترسره شوې
د میدان وردګو ولایت د بدني روزنې او ورزش آمریت اړوند د پهلواني فدراسیون د استازولي له لوري د یاد ولایت په مرکز میدان ښار کې د ا.ا د درېیمي کالیزې په مناسبت د پنځو کلپونو ترمنځ د پهلواني سیالۍ ترسره شوې.
په دغو سیالیو کې د اتحاد تکانه، جلریز زیبا، علی مولا، زبیر ځواک او جلریز ځوانانو کلپونو څخه له ۲۰ کیلو ګرامه څخه تر ۸۴ کیلو ګرامه وزني کټګوري کې ۶۰ پهلوانانو ګډون کړی و چې په پایله کې یې اتحاد تکانه کلپ د ۱۱ سرو زرو مډالونو په ګټلو سره لومړی او جلرېز ځوانانو کلپ بیا د اووه سرو زرو مډالونو په ترلاسه کولو سره بیا دویم مقام خپل کړ.
یادې سیالۍ ورزش ته د ځوانانو د هڅولو په موخه ترسره شوې، چې یوه ورځ یې دوام وکړ او په پای کې غوره لوبغاړو ته مډالونه او ستاینلیکونه ورکړل شول.
