د ورزش ادارې عمومي رئیس مولوي احمدالله وثیق د قطر د فوټبال فدراسیون د نړیوالو اړیکو له مسؤل سره وکتل
د المپیک کمېټې، بدني روزنې او ورزش عمومي رئیس مولوي احمد الله وثیق، د دې ادارې فني او مسلکي مرستیال حافظ احمد جان ځدراڼ، په قطر هیواد کې د هیواد سفیر ډاکټر محمد نعیم وردګ او مله پلاوي د قطر هیواد د فوټبال فدراسیون د نړیوالو اړیکو له مسؤل محمد خالد فخرو سره وکتل.
په دې لیدنه کې د هیواد د فوټبال فدراسیون پر وروستیو لاسته راوړنو بحث وشو او هم په دې برخه کې شته فرصتونه څرګند شول.
ښاغلي محمد خالد فخرو په افغانستان کې د فوټبال شته وړتیاوې د دې ورزش د پرمختګ اساسي لامل وباله او هم یې د افغانستان له فوټبال سره د هر اړخیزې همکارۍ ژمنه وکړه، په ځانګړي ډول نوموړي د ښوونیزو او روزنیزو سیمنارونو او ملي لوبډلې ته د روزونکي په برخه کې د همکارۍ ډاډ ورکړ.
