کونړ؛ په اسمار ولسوالۍ کې د ۲۴ لوبډلو ترمنځ د ټېپ بال کرکټ سيالۍ پای ته ورسېدې
د کونړ ولايت د بدني روزنې او ورزش امريت اړوند د ټېپ بال کرکټ د استازولي له لوري په اسمار ولسوالۍ کې د سولې په نوم د ۲۴ لوبډلو ترمنځ د ټېپ بال کرکټ سيالۍ پای ته ورسېدې.
د دغو سياليو پايلوبه د پلوڅو ناو ځوانانو او واحد افغان لوبډلو ترمنځ ترسره شوه، لومړی توپوهنه واحد افغان لوبډلې ترسره کړه او په ټاکلو اتو اورونو کې يې سیالې لوبډلې ته د شپږو لوبغاړو په زيان ۷۲ منډې هدف کېښود. د لوبې په دويمه نيمايي کې پلوڅو ناو ځوانونو لوبډلې ياد هدف د درېيو لوبغاړو په زيان پوره کړ او د دغو سياليو اتلولي يې خپله کړه.
هېره دې نه وي چې يادو سياليو نيږدې يوه مياشت دوام وکړ او تېره ورځ پای ته ورسېدې
