پکتیکا؛ مرکز ښرنه کې د لسو لوبډلو ترمنځ د والیبال سیالۍ پای ته ورسېدې
د پکتیکا ولایت د بدني روزنې او ورزش آمریت اړوند د والیبال فدراسیون د استازولۍ له لوري د یاد ولایت مرکز ښرنې ښار په چهار درې سیمه کې د لسو لوبډلو ترمنځ د والیبال سیالۍ زاولو ب لوبډلې په اتلولي پای ته ورسېدې.
د یادو سیالیو پایلوبه کې زاولو ب لوبډلې د ۲ پر یو میدان په توپیر خپلې سیالې چهار درې ب لوبډلې ته ماتې ورکړه او اتلولي یې وګټله.
دا سیالۍ د ځوانانو لپاره د سالمې تفرېح برابرولو په موخه ترسره شوې، چې اته ورځې یې دوام وکړ.
