لوگر؛ څرخ ولسوالۍ کې د ۱۲ لوبډلو ترمنځ د ټېپ بال کرېکټ سیالۍ پای ته ورسېدې
د لوګر ولایت د بدني روزنې او ورزش امريت اړوند د ټېپ بال کرېکټ ملي فدراسيون د استازولۍ له لوري د ياد ولايت په څرخ ولسوالۍ کې د ۱۲ لوبډلو ترمنځ د ټېپ بال کرېکټ سیالۍ د خروټي اتلانو لوبډلې په اتلولۍ پای ته ورسېدې، چې يوه مياشت يې دوام وکړ.
د دغو سياليو په پايلوبه کې خروټي اتلانو لوبډلې خپلې سیالې ترين اتلانو لوبډلې ته په ټاکلو ۱۵ اورونو کې د ۱۹۰ منډو هدف وټاکه ياد هدف ترين اتلانو لوبډلې پوره نه کړ او لوبه د خروټي اتلانو لوبډلې په اتلولۍ پای ته ورسېده.
د يادو سياليو موخه د ټېپ بال کرېکټ سیالیو ته وده ورکول او ورزش ته د ځوانانو هڅول و.
