ننګرهار؛ په مرکز جلال اباد کې د ۳۰۰ ورزشکارانو ترمنځ د سوک وهنې ټاکنیزې سیالۍ پیل شوې
د ننګرهار ولايت د بدني روزنې او ورزش ریاست اړوند د سوکوهنې فدراسیون د استازولۍ له لوري د جلالاباد ښار لومړۍ ناحیې د فوټبال په مرکزي لوبغالي کې د دغه ولایت په کچه د ۳۰۰ ورزشکارانو ترمنځ د سوکوهنې ټاکنیزې سیالۍ پیل شوې.
دغه سیالۍ د نويو ځوانان، ځوانانو او لویانو په عمري کټګوريو کې ترسره کېږي، چې په پايله کې به د ياد ولايت په کچه غوره ورزشکاران وټاکل شي.
هېره دې نه وي چې دغه سيالۍ به پنځه ورځې دوام وکړي او موخه يې د دغه ولايت منتخبې لوبډلې ته د غوره ورزشکارانو ټاکل ياد شوي دي.
