افغان تکواندوکار احسام رحیمي اسیایی سیالیو کې جاپاني سیال ته ماته ورکړه
د تکواندو افغان ورزشکار احسام رحیمي اسیایي سیالیو ته د لارموندنې سیالیو کې جاپاني سیال ته په ۵۴ کیلو ګرامه وزن کې د ۲ -۱ امتیازونو په توپیر ماته ورکړه.
همدارنګه علی اکبر امیري خپله لومړۍ لوبه په ۸۷ کیلو ګرامه وزن کې چیني سیال ته بایلوده.
دغو سیالیو کې د افغانستان په استازولۍ شپږ ورزشکاران او دوه روزونکي ګډون لري.
د ویلو ده چې یادې سیالۍ د ۳۴ هېوادونو په ګډون د منګولیا هېواد په کوربهتوب په اولان باتور ښار کې نن ( د مې ۲۱مه) پیل شوي او د همدې میاشتې تر ۲۵مې نېټې به دوام وکړي.
