بغلان؛ برکه ولسوالۍ کې د ۴۰ چاپندازانو ترمنځ د وزلوبې سیالۍ پای ته ورسېدې
د بغلان ولایت د بدني روزنې او ورزش امریت اړوند د وزلوبې، نېزه وهلو او دودیزو لوبو ملي فدراسیون د استازولۍ له لوري د یاد ولایت په برکه ولسوالۍ کې د ۴۰ چاپندازانو ترمنځ د وزلوبې سیالۍ پای ته ورسېدې.
د دغو سیالیو په پایله کې اسماعیل، فضل او عبدالقهار پهلوانان تر نورو ښه وځلېدل او د ډالیو ګټونکي شول.
د یادو سیالیو موخه د وزلوبې ورزش ته وده ورکول او خلکو ته یوه سالمه تفرېح برابرول و، چې دوې ورځ يې دوام وکړ.
