بغلان کې د اتو لوبډلو ترمنځ د فوټسال سيالۍ پيل شوې
د بغلان ولايت د بدني روزنې او ورزش امريت اړوند د فوټبال ملي فدراسیون د استازولۍ له لوري د ياد ولايت په مرکز کې د اتلانو جام په نوم له کار او ټولنيزو چارو رياست څخه د اتو لوبډلو ترمنځ د فوټسال سيالۍ پيل شوې.
د دغو سياليو په لومړۍ لوبه کې بند دو لوبډلې خپلې سیالې معارف لوبډلې ته د ۴/۳ ګولونو په توپير ماتې ورکړه او لومړۍ بريا يې خپله کړه.
د يادونې وړ ده، چې دغه سيالۍ به په حذفي ډول ترسره شي، چې څلور ورځې به دوام وکړي.
