بلخ؛ دولت آباد ولسوالۍ کې د ۵ لوبډلو ترمنځ د واليبال سيالۍ وشوې
د بلخ ولایت د بدني روزنې او ورزش ریاست په همکارۍ او د واليبال فدراسيون د استازولۍ له لوري د ياد ولايت په دولت آباد ولسوالۍ کې د ۵ لوبډلو ترمنځ د واليبال سيالۍ د يلدز کارگو لوبډلې په اتلولۍ پای ته ورسېدې.
د دغو سياليو پايلوبه کې يلدز کارگو لوبډلې خپلې سيالې حمایت الله لوبډلې ته د ۱ پر صفر ميدان په توپير ماتې ورکړه او اتلولي يې وگټله.
دا سیالۍ واليبال ورزش ته د ځوانانو هڅولو په موخه ترسره شوې، چې يوه شپه يې دوام وکړ.
