خوست؛ اسماعيل خېلو مندوزيو ولسوالۍ کې د يووالي جام په نوم د واليبال سيالۍ پای ته ورسېدې
د خوست ولايت د بدني روزنې او ورزش آمريت په همکارۍ او د واليبال فدراسيون د استازولۍ له لوري د اسماعيل خېلو مندوزيو ولسوالۍ اړوند ورزې کلي کې د ۴۵ لوبډلو ترمنځ د "يووالي جام" په نوم د واليبال سيالۍ د دلپوريو الف لوبډلې په اتلولۍ پای ته ورسېدې.
د دغو سياليو پايلوبه کې دلپوريو الف لوبډلې خپلې سيالې مټا خان لوبډلې ته د ۲۵ پر ۱۸ امتيازونو په توپير ماتې ورکړه او اتلولي يې خپله کړه.
دا سيالۍ د ځوانانو ترمنځ د يووالي رامنځته کولو په موخه ترسره شوې، چې شاوخوا دوې مياشتې يې دوام وکړ.
