خوست؛ مرکز متون ښار کې د ١٢ لوبډلو ترمنځ د ټېپ بال کرېکټ سیالۍ پیل شوې
د خوست ولایت د بدني روزنې او ورزش آمریت اړوند د ټېپ بال کرېکټ فدراسیون د استازولۍ له لوري د ياد ولايت مرکز متون ښار کې د ١٢ لوبډلو ترمنځ د ټېپ بال کرېکټ سیالۍ پیل شوې.
د یادو سیالیو لومړۍ لوبه د علیشېرو للمۍ او غرغښت اتلانو لوبډلو ترمنځ ترسره شوه. د لوبې پچه علیشېرو للمۍ لوبډلې وګټله او لومړی یې توپ وهنه وکړه، چې په ټاکلو نهو اورونو کې یې د درېیوو ویکټو په زیان خپلې سیالې لوبډلې ته د ١٥٩ منډو هدف وټاکه. غرغښت اتلانو لوبډلې د هدف په تعقیب کې د څلورو ویکټو په زیان ١٣٥ منډې وکړې او د ٢٣ منډو په توپیر یې لوبه وبایلله.
دا سیالۍ د ځوانانو ترمنځ د یووالي په موخه پیل شوي دي، چې یوه میاشت به دوام وکړي.
