خوست؛ ځاځي میدان ولسوالۍ کې د شپږو لوبډلو ترمنځ د ټېپ بال کرېکټ سیالۍ پای ته ورسېدې
ډ خوست ولايت د بدني روزنې او ورزش آمريت په همغږۍ، د ټېپ بال کرېکټ فدراسیون د استازولۍ له لوري او د مصطفی ځاځي په مالي ملاتړ د ځاځي میدان ولسوالۍ په داڼيو سيمه کې د شپږو لوبډلو ترمنځ د يووالي ټېپ بال کرېکټ ليگ سیالۍ د زلميو لوبډلې په اتلولۍ پای ته ورسېدې.
د يادو سياليو پايلوبه د زلميو او تغرې لوبډلو ترمنځ وشوه، د لوبې پچه زلميو لوبډلې وگټله او لومړی يې د توپ وهنې پرېکړه وکړه، چې په ټاکلو لسو اورونو کې يې د اتو ویکټو په سوځېدو سره خپلې سيالې لوبډلې ته د ۱۱۷ منډو هدف وټاکه، په ځواب کې ټغرې لوبډلې د ټولو اورونو په لوبولو سره ۵۹ منډې وکړې او لوبه يې د ۵۶ منډو په توپير وبايلله.
د يادونې وړ ده، چې دغو سياليو شاوخوا ۲۰ ورځې دوام وکړ.
