خوست کې د ۱۱۰ ورزشکارانو ترمنځ د طمبا ولایتي سیالۍ وشوې

د خوست ولايت د بدني روزنې او ورزش آمريت اړوند د طمبا فدراسيون د استازولۍ له لوري د ياد ولايت په مرکز متون ښار کې له پنځو ولايتونو د ۱۱۰ ورزشکارانو ترمنځ د طمبا ولایتي سيالۍ وشوې.

په دغو سياليو کې له کابل، ميدان وردگ، خوست، لوگر او پکتيا ولايتونو څخه ورزشکارانو گډون گړی وو، چې په پايله کې خوست د ۳۲ مډالونو په گټلو سره لومړی، لوگر د ۸ مډالونو په خپلولو سره دويم او کابل د ۷ مډالونو په گټلو سره بيا درېیم مقام ترلاسه کړ.

د ويلو وړ ده، چې د يادو سياليو په پای کې غوره ورزشکارانو ته د اتلولۍ حکمونه، مډالونه او بېلابېلې چمتو شوې ډالۍ ورکړل شوې.