دایکندي؛ کیتي ولسوالۍ کې د ۲۷ لوبډلو ترمنځ د فوټبال سیالۍ پای ته ورسېدې
د دایکندي ولایت د بدني روزنې او ورزش امریت اړوند د فوټبال ملي فدراسیون د استازولۍ له لوري د یاد ولایت په کیتي ولسوالۍ کې د ۲۷ لوبډلو ترمنځ د فوټبال سیالۍ پای ته ورسېدې.
د دغو سیالیو په پایلوبه کې اتلان تمران لوبډلې خپلې سیالې پیروزي ورکک لوبډلې ته د ۳/۱ ګولونو په توپیر ماتې ورکړه او اتلولي یې خپله کړه.
د یادو سیالیو موخه د فوټبال لوبو ته وده ورکول، ورزش ته د ځوانانو هڅول او د غوره لوبغاړو موندل و، چې یوه میاشت یې دوام وکړ.
د سیالیو په پای کې د دایکندي ورزشي امریت له لوري غوره لوبډلې ته اتلولۍ جام او غوره لوبغاړو ته ورزشي ډالۍ ورکړل شوې.
