د افغانستان د واليبال ملي لوبډله په المپيکي سياليو کې د ګډون لپاره د چين هانګ جو ښار ته روانه شوه
د افغانســــــــتان د واليبال ملي لوبډلې د المپيک ملي کمېټې او سپورټ عمومي رئيس مولوي احمد الله وثيق سره تر ليدنې وروسته د چين په کوربتوب په اسیایي المپيکي سياليو کې د ګډون او لوبېدو په موخه د دې هېواد هانګ جو ښار ته روانه شوه.
د چين په کوربتوب په اسیایي المپيکي سياليو کې به د واليبال سيالۍ د روانې سپټمبر مياشتې په ١٩مه نېټه پيل شي.
د افغانســــــــتان د واليبال ملي لوبډله د دغو سياليو په F ګروپ کې له جاپان، اندونیزیا او فيلپين هېوادونو سره لوبې لري.
د واليبال ملي فدراسیون د معلوماتو له مخې د واليبال ملي لوبډلې ته تر دې سياليو وړاندې ١٥ ورځې تمريناتي کمپ هم ورکړل شوى.
ټاکل شوې د چين هېواد په کوربتوب به اسیايي المپيکي سيالۍ د سپټمبر میاشتې پر ۲۳ مه نېټه پيل شي، چې له افغانستان څخه هم په دې سياليو کې د واليبال په ګډون د ۱۷ ورزشي رشتو تر سلو زيات ورزشکاران ګډون کوي.
