د افغانستان د ورزش ادارې عمومي رییس د روسیې د پاراالمپیک فدراسیون له رییس سره وکتل
د افغانستان د المپیک، بدني روزنې او ورزش عمومی رییس مولوي احمد الله وثیق او ورسره پلاوي د روسیې د پاراالمپیک کمېټې له رئیس پاول الکسیویچ روژکوف سره وکتل.
په دغه لیدنه کې د پارا المپیک کمېټې رئیس وویل؛ پارالمپیک داسې قشر دی، چې باید ټولې اسانتیاوې ورته برابرې کړو او خدمت یې وکړو.
دغه راز یې زیاته کړه، چې د افغانستان د پاراالمپیک ورزشکارانو لپاره به په روسیه کې د تمریناتي لوبو او کمپونو جوړولو زمینه مساعده کړي.
