د افغانستان د ورزش ادارې فني او مسلکي مرستیال حافظ احمد جان ځدراڼ د Dialogue Action بنسټ له مشر سره ولیدل
د افغانستان د ورزش ادارې فني او مسلکي مرستیال حافظ احمد جان ځدراڼ د Dialogue Action بنسټ له مشر جولیان وینبیرګ سره ولیدل.
په دې ناسته کې، حافظ احمد جان ځدراڼ د افغانستان د ورزش وروستیو بریاوو او د رهبري د ژمنتیا پر اړه تفصیلي خبرې وکړې او هم یې څرګنده کړه، چې په افغانستان کې د سرتاسري امن له برکته د ورزش پرمختګ ته خورا ښه فرصت رامنځته شوی دی.
جوليان د افغانستان وروستۍ ورزشي لاسته راوړنې او بریاوې وستایلې او څرګنده یې کړه، چې پر ستونزو باوجود په افغانستان کې ورزش وده کړې ده، همدارنګه جولیان د ملاتړ ژمنه وکړه او وې ویل، چې د افغانستان سپورټي لاسته راوړنې به له نړیوالو ورزشي ټولنو سره شریکې کړي؛ ترڅو د افغان ورزشکارانو پرمختګ ته د نړیوالو توجه نوره هم راجلب شي.
