د فوټسال ملي لوبډلې د اسلامي هېوادونو د پيوستون سیالیو خپله دويمه لوبه ايران سره مساوي کړه
د فوټسال ملي لوبډلې د اسلامي هېوادونو د پيوستون شپږم پړاو سیالیو خپله دويمه لوبه د ايران سره ترسره کړه، چې لوبه ۲ - ۲ مساوي پای ته ورسېده.
افغان لوبډلې په خپله لومړۍ لوبه کې تاجکستان ته د ۹ - ۵ ګولونو په ستر توپیر ماته ورکړې وه.
افغان ملي لوبډله به خپله درېیمه لوبه کې د لړم پر ۱۷مه له مراکش سره د سیالۍ ډګر ته ښکته شي.
د فوټسال سیالۍ د ۸ هېوادنو ترمنځ په دوه ګروپونو کې ترسره کېږي، چې افغانستان په B ګروپ کې له تاجکستان، ایران او مراکش سره په يو ګروپ کې دی.
د اسلامي هېوادونو د پيوستون ۶م پړاو سیالۍ په ۲۳ ورزشي رشتو کې د سعودي عربستان په کوربهتوب په پلازمېنه ریاض ښار کې د ۵۷ اسلامي هېوادونو په ګدون د نومبر په څلورمه پیل شوي او تر ۲۱مې نېټې به دوام وکړي.
