راشد خان او ابراهیم ځدراڼ د کرېکټ نړۍوالې شورا په نوې درجه بندۍ کې لومړی او دویم مقام ګټلی
د کرېکټ نړۍوالې شورا د یو ورځنیو لوبو د توپ اچوونکو په درجه بندۍ کې راشد خان له شپږم مقام څخه لومړي مقام ته پورته شو او د ټوپ وهونکو په برخه کې ابراهیم ځدراڼ له لسم مقام څخه دویم مقام ته پورته شو.
همدارنګه په ټولچارو لوبغاړو کې عظمت الله عمرزی لومړی ، محمد نبي عیسی خېل درېیم او راشد خان څلورم مقام خپل کړی دی.
د ویلو ده، چې د کرېکت نړۍواله شورا هر مهال د لوبغاړو د ښې کارکردګۍ په صورت کې د دوی درجه بندي کوي.
