زابل؛ مرکز قلات ښار کې د ۱۶ ورزشکارانو ترمنځ د ځغاستې سیالۍ ترسره شوې
د زابل ولایت د بدني روزنې او ورزش آمریت اړوند د اتلتیک فدراسیون د استازولۍ له لوري د یاد ولایت مرکز قلات ښار کې د ۱۶ ورزشکارانو ترمنځ د ځغاستې سیالۍ ترسره شوې.
دا سیالۍ په ۴۰۰ متري واټن کې ترسره شوې، چې په پای کې یې بسم الله لومړی، فایدالله دویم او محمد هارون بیا درېیم مقام خپل کړ.
یادې سیالۍ د اتلتیک لوبو ته د ودې ورکولو په موخه ترسره شوې، چې یوه ورځ یې دوام وکړ.
