غزني؛ اندړ ولسوالۍ کې د ۱۰ لوبډلو ترمنځ د نېزه وهلو سيالۍ ترسره شوې
د غزني ولايت د بدني روزنې او ورزش امريت اړوند د وزلوبې، نېزه وهلو او دوديزو لوبو ملي فدراسيون د استازولۍ له لوري د ياد ولايت په اندړ ولسوالۍ کې د ۱۰ لوبډلو ترمنځ د نېزه وهلو سيالۍ ترسره شوې.
د دغو سياليو په پایله کې فتح محمد شلګروال لوبډلې لومړی، رحمت الله لوبډلې دويم او فتح الله لوبډلې بيا درېيم مقام خپل کړ.
د يادو سياليو موخه د نېزه وهلو ورزش ته وده، خلکو ته سالمه تفرېح برابرول او د خلکو ترمنځ يووالی رامنځته کول و، چې يوه ورځ يې دوام وکړ.
