غزني؛ جاغوري ولسوالۍ کې د فوټسال سيالۍ د نويد حيدرا لوبډلې په اتلولۍ پای ته ورسېدې
د غزني ولايت د بدني روزنې او ورزش امريت په همکارۍ او د جاغوري ولسوالۍ ورزشي مديريت او د حاجي علي جان ورزشي کلب له لوري په یادې ولسوالۍ کې د ۳۲ لوبډلو ترمنځ د فوټسال سيالۍ پای ته ورسېدې.
د دغو سياليو په پايلوبه کې نويد حيدرا لوبډلې خپلې سیالې اتحاد مرکز لوبډلې ته د ۳/۲ ګولونو په توپير ماتې ورکړه او اتلولي يې خپله کړه.
د يادو سياليو موخه د فوټسال لوبو ته وده ورکول او د ځوانانو ترمنځ يووالی رامنځته کول و، چې يوه مياشت يې دوام وکړ.
