غور؛ مرکز فیروز کوه ښار کې د ۱۲ لوبډلو ترمنځ د والیبال سیالۍ پيل شوې
د غور ولایت د بدني روزنې او ورزش امریت اړوند د والیبال ملي فدراسیون د استازولۍ له لوري د یاد ولایت په مرکز فیروز کوه ښار کې د ۱۲ لوبډلو ترمنځ د والیبال سیالۍ پيل شوې.
د دغو سیالیو په لومړۍ لوبه کې اتفاق لوبډلې خپلې سیالې سالاران لوبډلې ته د ۳/۰ میدانونو په توپير ماتې ورکړه او لومړۍ بریا یې خپله کړه.
د یادو سیالیو موخه د والیبال لوبو ته وده ورکول او د ځوانانو ترمنځ یووالی رامنځته کول دي، چې دوې اوونۍ به دوام وکړي.
