غور؛ مرکز فیروز کوه کې د ۵۰ تنو ترمنځ د فټنس او بدن ښکلا سیالۍ وشوې
د غور ولایت د بدني روزنې او ورزش امریت اړوند د فټنس او بدن ښکلا ملي فدراسیون د استازولۍ له لوري د یاد ولایت په مرکز فیروز کوه ښار کې د ۵۰ تنو ترمنځ د بدن ښکلا او فټنس سیالۍ وشوې.
دغه سیالۍ په بېلا بېلو کټګوریو کې ترسره شوې، چې په پایله کې ۵ تنه د غور ولایت د فټنس او بدن ښکلا ملي لوبډلې ته وټاکل شول.
د یادو سیالیو موخه د غور ولایت د فټنس او بدن ښکلا ملي لوبډلې ته د غوره ورزشکارانو ټاکل و، چې یوه ورځ یې دوام وکړ.
