غور کې د ۱۰ لوبډلو ترمنځ د فوټبال سیالۍ د وحدت لوبډلې په اتلولۍ پای ته ورسېدې
د غور ولایت د بدني روزنې او ورزش امریت اړوند د فوټبال ملي فدراسیون د استازولۍ له لوري په یاد ولایت کې د ۱۰ لوبډلو ترمنځ د فوټبال خزاني لیګ سیالۍ، چې یوه میاشت مخکې پیل شوې وې د وحدت لوبډلې په اتلولۍ پای ته ورسېدې.
د دغو سیالیو په پایلوبه کې وحدت لوبډلې خپلې سیالې خراسان لوبډلې ته د ۳/۰ ګولونو په توپير ماتې ورکړه او اتلولي یې خپله کړه.
د یادو سیالیو موخه د ځوانانو ترمنځ یووالی رامنځته کول و، د سیالیو په پای کې غوره لوبډلې او لوبغاړو ته چمتو شوې ډالۍ ورکړل شوې.
