لغمان؛ قرغیو ولسوالۍ کې د ۳۲ لوبډلو ترمنځ د ټېپ بال کرېکټ سیالۍ پای ته ورسېدې
د لغمان ولایت د بدني روزنې او ورزش آمریت له لوري د یاد ولایت په قرغیو ولسوالۍ کې د ۳۲لوبډلو ترمنځ د ټېپ بال کرېکټ سیالۍ ، چې یوه میاشت مخکې پیل شوې وې، د احمد سیر لوبډلې په اتلولي پای ته ورسېدې.
د یادو سیالیو پایلوبه کې احمد سیر لوبډلې له خپل ۱۷۳ منډو هدف څخه دفاع وکړه او د ۴۲ منډو په توپیر یې خپلې سیالې علي تره خېل لوبډلې ته ماتې ورکړه او اتلولي یې وګټله.
