لوگر کې د ۹٫۶ ميليونو افغانيو په لگښت يو معیاري جمنازيوم پرانيستل شو
د لوگر ولايت په مرکز پل علم ښار کې د انجينر حفيظ الله يوسفي په مالي لگښت د ۹٫۶ ميليونو افغانيو په ارزښت يو معياري جمنازيوم د يوې ځانگړې غونډې په ترڅ کې رسماً پرانيستل شو.
د ښاغلي يوسفي په وينا: دغه جمنازيوم پر يو وخت د شاوخوا ۱۰۰۰ ننداره چیانو د ځایېدو ظرفيت لري، چې کارونه يې په ۶ مياشتو کې بشپړ شول.
د يادونې وړ ده، چې د پرانيستلو په مراسمو کې د لوگر ولايت د بدني روزنې او ورزش آمريت مسؤلينو، قومي مخورو، ورزشکارانو او د ورزش گڼ شمېر مينوال گډون کړی وو.
