ميدان وردګ؛ په چک ولسوالۍ کې د ۵۰ غشي ویشتونکو ترمنځ د غشي ويشتلو سيالۍ وشوې
د ميدان وردګو ولايت د بدني روزنې او ورزش امريت اړوند غشي ویشتلو فدراسيون د استازولۍ په لارښوونه، د چک ولسوالۍ په ادم خېلو کلي کې د ۵۰ غشي ویشتونکو ترمنځ د غشي ويشتلو سيالۍ وشوې.
دغه سيالۍ د ادم خېلو کلي په کوربتوب د بابا قلعې او ادم خېلو کليو د ۵۰ غشي ویشتونکو ترمنځ وشوې، چې په پايله کې د ادم خېلو کلي غيشي ويشتونکو خپلو سيالو د بابا قلعې غيشو ويشتونکو ته د ۱۱۳- ۸۶ نومرو په توپير ماتې ورکړه او بريا يې خپله کړه.
د يادونې وړ ده چې غشي ویشتل د يادې سيمې ژمنۍ دوديزې لوبې دي او هر ژمی سلګونه خلک پکې بوخت وي او دغه سيالۍ ترسره کوي.
