ننګرهار؛ بټي کوټ ولسوالۍ کې د اتو ولایتونو ترمنځ د سو کیوکوشین کراټې سیالۍ ترسره شوې
د ننګرهار ولایت د بدني روزنې او ورزش ریاست له لوري د ياد ولايت په بټي کوټ ولسوالۍ کې له اتو ولایتونو د ١٣٠ ورزشکارانو ترمنځ د سو کیوکوشین کراټې سیالۍ ترسره شوې.
دا سیالۍ د ننګرهار، غزني، هرات، کونړ، کاپیسا، کابل، لوګر او پروان ولایتونو ترمنځ د نویو ځوانانو، ځوانانو او لویانو ورزشکارانو په عمري کټګوریو کې ترسره شوې، چې په پایله کې یې ننګرهار لومړی، هرات دویم او کونړ بیا درېیم مقام خپل کړ.
