ننګرهار؛ پچیراګام ولسوالۍ کې د اتو لوبډلو ترمنځ د ټېپ بال کرېکټ سیالۍ پای ته ورسېدې
د ننګرهار ولایت د بدني روزنې او ورزش ریاست اړوند د ټېپ بال کرېکټ فدراسیون د استازولۍ له لوري د ياد ولايت په پچیراګام ولسوالۍ کې د اتو لوبډلو ترمنځ د ټېپ بال کرېکټ سیالۍ د امیري اتلانو لوبډلې په اتلولي پای ته ورسېدې.
د یادو سیالیو پایلوبه د مشال بازانو او امیري اتلانو لوبډلو ترمنځ ترسره شوه. د لوبې پچه امیري اتلانو لوبډلې وګټله او لومړی یې توپ وهنه وکړه، چې په ټاکلو ١٢ اورونو کې یې د اتو ویکټو په زیان خپلې سیالې لوبډلې ته د ١٥٨ منډو هدف وټاکه. مشال بازانو لوبډلې د هدف په تعقیب کې د نهو ویکټو په زیان ١٥٦ منډې وکړې او د یوې منډې په توپیر یې لوبه وبایلله.
دا سیالۍ ورزش ته د ځوانانو د هڅولو په موخه ترسره شوې، چې ٢٠ ورځې یې دوام وکړ.
