ننګرهار کې د ۸۰ ورزشکارانو ترمنځ د سوک وهنې سیالۍ ترسره شوې
د ننګرهار ولایت د بدني روزنې او ورزش ریاست اړوند د سوک وهنې فدراسیون د استازولۍ له لوري د یاد ولایت مرکز جلال آباد ښار کې له شپږو کلبونو د ۸۰ ورزشکارانو ترمنځ د سوک وهنې سیالۍ ترسره شوې.
دا سیالۍ د تنکیو ځوانانو، نویو ځوانانو، ځوانانو او لویانو ورزشکارانو په عمري کټګوریو کې ترسره شوې، چې په پایله کې یې ملکزاده کلب لومړی، عرب قریشي دویم او الفأ کلب بیادرېیم مقام خپل کړ.
دا سیالۍ ورزش ته د ځوانانو د هڅولو په موخه ترسره شوې، چې یوه ورځ یې دوام وکړ.
