ننگرهار؛ دوربابا ولسوالۍ کې د ټېپ بال کرېکټ سيالۍ پای ته ورسېدې
د ننگرهار ولايت د بدني روزنې او ورزش رياست په همغږۍ، د ټېپ بال کرېکټ فدراسيون د استازولۍ له لوري د دوربابا ولسوالۍ په مرکزي لوبغالي کې د ۱۰ لوبډلو ترمنځ د ځوانانو د فکري ودې او سولې په نوم د ټېپ بال کرېکټ سيالۍ د ولسوالۍ لوبډلې په اتلولۍ پای ته ورسېدې.
د يادو سياليو پايلوبه د ولسوالۍ او کامران لوبډلو ترمنځ وشوه، د لوبې پچه ولسوالۍ لوبډلې وگټله او لومړی يې د توپ وهنې پرېکړه وکړه، چې په ټاکلو ۸ اورونو کې يې د ۶ ویکټو لوبغاړو په سوځېدو سره خپلې سيالې لوبډلې ته د ۱۴۶ منډو هدف کېښود، په ځواب کې کامران لوبډلې د ټولو اورونو په لوبولو سره ۱۰۰ منډې وکړې او لوبه يې د ۴۶ منډو په توپير وبايلله.
د ويلو وړ ده، چې دغو سياليو شاوخوا ۱۵ ورځې دوام وکړ.
