هرات کې د ۱۸۰ ورزشکارانو ترمنځ د کيوکوشين کای کان کراټې پنځه دېرشم پړاو سيالۍ ترسره شوې
د هرات ولايت د بدني روزنې او ورزش رياست اړوند د کيوکوشين کراټې ملي فدراسیون د استازولۍ له لوري د ياد ولايت په مرکز کې د ۱۸۰ ورزشکارانو ترمنځ د کيوکوشين کراټې کانچو ماتسوشي ما پنځه دېرشم پړاو سيالۍ ترسره شوې، چې يوه ورځ يې دوام وکړ.
دغه سيالۍ د تنکيو ځوانانو، نويو ځوانانو، ځوانانو او لويانو ورزشکارانو په عمري کټګوريو کې د تک فايټ په ډول ترسره شوې، چې په پايله کې ۹۰ ورزشکارانو خپلو سيالانو ته په ماتې ورکولو سره برياوې او اتلولۍ مقامونه خپل کړل.
د يادو سياليو موخه د کيوکوشين کراټې ته وده ورکول، د ځوانانو هڅول او د غوره ورزشکارانو موندل و، د سياليو په پای کې غوره ورزشکارانو ته کپ، مډالونه او د اتلولۍ حکمونه ورکړل شول.
