هلمند؛ ګرمسېر ولسوالۍ کې د ١٦ لوبډلو ترمنځ د فوټسال سیالۍ پای ته ورسېدې
د هلمند ولایت د بدني روزنې او ورزش امریت اړوند د فوټبال فدراسیون د استازولۍ له لوري د یاد ولایت په ګرمسېر ولسوالۍ کې د ١٦ لوبډلو ترمنځ د فوټسال سیالۍ د سیلاب افغان لوبډلې په اتلولي پای ته ورسېدې.
د یادو سیالیو پایلوبه کې سیلاب افغان لوبډلې د یو پر صفر ګول په توپیر خپلې سیالې لمر لوبډلې ته ماتې ورکړه او اتلولي یې وګټله.
دا سیالۍ ورزش ته د ځوانانو د هڅولو په موخه ترسره شوې، چې دوې اوونۍ یې دوام وکړ.
