هلمند کې د ۱۶ لوبډلو ترمنځ د فوټبال ليگ پيل شو
د هلمند ولايت د بدني روزنې او ورزش آمريت اړوند د فوټبال فدراسيون د استازولۍ له لوري د مرکز لښکرگاه ښار په مرکزي فوټبال لوبغالي کې د ۱۶ ب لوبډلو ترمنځ د فوټبال ليگ سيالۍ پيل شوې.
دغه سيالۍ، چې شاوخوا يوه مياشت به دوام وکړي، په لومړۍ لوبه کې بولان لېسې لوبډلې خپلې سيالې اميد استقلال لوبډلې ته د ۴ پر ۱ گولونو په توپير ماتې ورکړه او بريا يې په خپل نوم کړه.
د يادونې وړ ده، چې اتله لوبډله به الف ليگ ته لار پېدا کړي او د جدول وروستۍ لوبډله به سي ليگ ته شاتگ وکړي.
